Deeqda waxbarasho ee Dawladda Shiinaha, oo loo yaqaanno CSC Scholarship, waa fursadd weyn oo muhiim ah oo ay tahay ardeyda soomaaliyeed in ay ka faaidaystaan.Si ay u helaan waxbarasho tayo leh oo lacag la’aan ah. Dawladda Shiinaha waxay sannad kasta kumanaan deeqood siisaa ardayda wadamada kala duwan kasoo jeeda si ay u bartaan cilmiga sayniska, tignoolajiyada, caafimaadka, iyo dhaqaalaha.
1. Maxay daboolaysaa Deeqda CSC?
Deeqdan waa Fully Funded, taas oo ka dhigan in dhammaan kharashyada muhiimka ah laga bixinayo ardayga:
Waxaa lagaa dhaafayaa dhamaan lacagta waxbarashada, ma bixinaysid wax lacag ah inta aad wax baranaysid, sidoo kale waxa lagu siinayaa Hoy bilaash ah. Sidoo kale waxa bishii lagu siinayaa lacag masruuf ah. Haddii aad Bachelor tahay waxa lagu siinayaa bishii lacag dhan $350 , Master-tana lacag ah bishii $420 Phd-da waxa la siinayaa $490 Sidoo kale waxaad helaysaa caymis caafimaad oo dhamaystiran.
2. Noocyada Deeqda CSC
Waxaa jira saddex Hab oo muhiim ah oo aad ku codsan karto deeqdan:
| Nooca | Habka Codsiga | Agency Number |
| Type A | Waxaa loo maraa Safaaradda Shiinaha ee dalkaaga. | Waxaa bixisa Safaaradda. |
| Type B | Waxaa si toos ah looga codsadaa Jaamacadda aad rabto. | Waa lambarka gaarka ah ee jaamacadda. |
| Type C | Waxaa loo maraa hay’ado caalami ah oo gaar ah. | Waxaa bixisa hay’addaas. |
3. Shuruudaha looga baahan yahay Ardayda Soomaaliyee
Si aad u xaqiijiso in codsigaagu guuleysto, waa inaad buuxisaa shuruudahan:
- Muwaadin: Inaad tahay muwaadin Soomaaliyeed.
- Caafimaad: Inaad caafimaad qabto (waxaa laga rabaa Physical Examination Form).
- Da’da:
- Bachelor: Ka yar 25 sano.
- Master: Ka yar 35 sano.
- PhD: Ka yar 40 sano.
- Luqadda: Haddii aad ku baranayso English, waxaad u baahan tahay English Proficiency Certificate ama IELTS.
Habka loo Codsado Deeqda CSC 2026
Raac tallaabooyinkan rasmiga ah si aad u xaqiijiso in codsigaagu u gudbo si sax ah.
Tallaabada 1aad: Baaritaanka Jaamacadda iyo Takhasuska
Ka hor inta aadan codsiga bilaabin, waa inaad ogaataa jaamacadda bixisa takhasuskaaga iyo lambarka aqoonsiga ee jaamacaddaas (Agency Number).
- Goobta: Booqo Campus China (Official Info).
- Waxa aad ka qabanayso: * Adeegso qaybta “Universities & Programs” si aad u raadiso takhasuskaaga.
- Soo degso foomka Foreigner Physical Examination Form (Warqadda Caafimaadka).
- Qoraal ku qabso Agency Number-ka jaamacadda aad dooratay.
Tallaabada 2aad: Diyaarinta Dukumentiyada
Hubi in dhammaan dukumentiyadaada ay yihiin kuwo la nootaayeeyey (Notarized).
- Shahaadooyinka iyo Transcript-ka.
- Laba warqadood oo talo-bixin ah (Recommendation Letters).
- Study Plan (800+ eray).
- Baasaboor sax ah.
Tallaabada 3aad: Buuxinta Codsiga Online-ka ah
Markaad diyaariso xogtaada, waa inaad si rasmi ah u gudbisaa codsigaaga adoo isticmaalaya nidaamka CSC.
- Goobta: Booqo CSC Application Portal.
- Waxa aad ka qabanayso:
- Abuur akoon cusub (Create an Account).
- Dooro nooca deeqda: Type A (Safaarad) ama Type B (Jaamacad).
- Geli Agency Number-kii aad ka soo heshay Tallaabadii 1aad.
- Upload-garee dhammaan dukumentiyadaadii oo hubi inay cad-yihiin.
Tallaabada 4aad: Gudbinta iyo Keydinta
- Guji badhanka “Submit”.
- Soo degso foomka codsiga ee PDF-ka ah (Application Form).
- Muhiim: Haddii aad codsanayso Type B, hubi mareegta jaamacadda ee gaarka ah si aad u aragto inay u baahan yihiin “Online Application” labaad.
Taariikho muhiim ah
Xilliga ay furanto: December ilaa January .
Xilliga ay xidhanto (Deadline): Inta u dhaxaysa March 15 ilaa April 30 (Way ku kala duwan tahay jaamacadaha).
Natiijada hordhaca ah: June.
Xilliga safarka: Sebtembar.