Deeqda MOFCOM Scholarship waa deeq waxbarasho oo heer sare ah oo ay maalgeliso Wasaaradda Ganacsiga ee dalka Shiinaha. Si ka duwan deeqaha kale, MOFCOM waxaa loogu talagalay in lagu dhiso awoodda dadka ka shaqeeya dawladaha, hay’adaha caalamiga ah, iyo hoggaamiyeyaasha bulshada ee waddamada soo koraya sida Soomaaliya.
Haddii aad tahay qof leh khibrad shaqo oo doonaya inuu aqoon sare u yeesho Maamulka Dadweynaha (Public Administration), Dhaqaalaha, ama Xidhiidhka Caalamiga ah, kani waa maqaalkii aad ku baran lahayd wax kasta oo ku saabsan deeqdan.
1. Maxay Deeqda MOFCOM gaar u tahay?
Deeqdan waxaa loo qaabeeyey si “Degdeg ah” (Intensive) si ardaygu uusan waqti badan uga maqnaan shaqadiisa.
- Master Degree: Waxaa lagu dhammaystiraa 1 sano (ama 2 sano mararka qaar).
- PhD Degree: Waxaa lagu dhammaystiraa 3 sano.
- Luqadda: Dhammaan casharrada waxaa lagu bixiyaa English
Faa’iidooyinka Maaliyadeed
- Lacagta bishii: Master ($420/mo) iyo PhD ($490/mo).
- Settlement Allowance: Lacag hal mar la siiyo ardayga markuu dalka tago ($420).
- Tikidhada: Tikidhka diyaaradda ee tegista iyo soo noqoshada waa laga bixinayaa.
2. Shuruudaha Codsiga
Maadaama deeqdan ay tahay mid xirfadeed, shuruudaheedu way ka duwan yihiin CSC-da caadiga ah:
- Khibrad Shaqo: Waa inaad haysataa ugu yaraan 3 sano oo khibrad shaqo ah.
- Jago: Waa inaad ku jirtaa jago maamul ama mid farsamo oo muhiim ah.
- Da’da: Waa inaanad ka weynaan 45 sano.
- Caafimaad: Inaad caafimaad qabto oo aadan qabin cudurro faafa.
3. Habka loo Codsado
Codsiga MOFCOM wuxuu maraa labo waddo oo muhiim ah:
Tallaabada 1aad: Codsiga Jaamacadda
Waa inaad marka hore ka codsataa mid ka mid ah jaamacadaha Shiinaha ee bixiya barnaamijka MOFCOM oo aad heshaa Admission Letter.
Tallaabada 2aad: Codsiga CSC Portal
Gali mareegta CSC oo dooro Type A (Agency Number-ka waa 00010).
Tallaabada 3aad: Warqadda Recommendationa ah
Waa inaad ka heshaa warqad Recommendation ah madaxdaada shaqada ama wasaaradda aad hoostagto.
4. Taariikhaha Muhiimka ah
- Xilliga Codsiga: January ilaa June.
- Xidhitaanka (Deadline): Badanaa June 2026 (Way kala duwan yihiin sanad walba).
- Safarka Shiinaha: Sebtembar 2026.
Dukumentiyada loo baahan yahay:
- Shahaadada Bachelor/Master (Notarized).
- Laba warqadood oo Recommendation letter ah (Mid shaqada ah iyo mid jaamacadda).
- Research Proposal (Qorshe cilmi-baadhis).
- Physical Examination Form.
- Non-criminal record (Warqadda dambi la’aanta).