Deeqda ANSO (Alliance of International Science Organizations) waa mid ka mid ah deeqaha ugu qiimaha badan dalka Shiinaha, waxaana si gaar ah loogu talagalay ardayda doonaysa inay takhasus sare ka sameeyaan cilmiga sayniska, tignoolajiyada, iyo cilmi-baadhista (Research).
Haddii aad tahay arday Soomaaliyeed oo bartay maaddooyinka Sayniska (STEM), deeqdan waxay kuu furaysaa albaabbada labada jaamacadood ee ugu caansan Shiinaha: USTC iyo UCAS.
1. Maxay Deeqda ANSO kaga duwan tahay deeqaha kale?
Si ka duwan deeqda CSC, ANSO waxay diiradda saartaa ardayda heerka sare ee Master iyo PhD. Waxaa lagu doortaa ardayda leh karti cilmi-baadhis oo xooggan.
Faa’iidooyinka Maaliyadeed:
- Lacagta bisha (Stipend): * Master: $428 bishii.
- PhD: $850 ilaa $1000 bishii (Tani waa lacagta ugu badan ee deeq laga helo Shiinaha).
- Kharashka Safarka: Waxaa lagaa bixinayaa tikidhka diyaaradda ee aad Shiinaha ku tegayso.
- Caymiska & Hoyga: Wax walba waa lacag la’aan (Fully Funded).
2. Jaamacadaha ay Deeqdan khuseyso
Deeqda ANSO kuma shaqeyso dhammaan jaamacadaha Shiinaha, waxay ku kooban tahay labadan machad ee caalamiga ah:
- USTC: University of Science and Technology of China.
- UCAS: University of Chinese Academy of Sciences.
3. Habka Codsiga
Si aad u codsato ANSO, raac tallaabooyinkan adag:
Tallaabada 1aad: Raadinta Professor (Supervisor)
Inta aadan codsan, waa inaad heshaa Professor ku yaalla USTC ama UCAS oo raba inuu kugu kormeero cilmi-baadhistaada. Markaad hesho, wuxuu ku siinayaa Acceptance Letter.
Tallaabada 2aad: Diyaarinta Dukumentiyada
- Research Proposal: Qorshe cilmi-baadhis oo tayo leh.
- CV: Oo muujinaya khibradaada sayniska.
- Nootaaye: Shahaadooyin iyo Transcript la nootaayeeyey (Notarized).
- Laba Warqadood oo Recommendation: Oo ka yimid Professors.
Tallaabada 3aad: Codsiga Online-ka ah
Gudbi codsigaaga adoo isticmaalaya mareegta rasmiga ah ee ANSO:
- Link-ga Codsiga: ANSO Call for Applications
4. Taariikhaha Muhiimka ah
- Bilowga Codsiga: October – November.
- Xidhitaanka (Deadline): 15-ka February, 2026.
- Wareysiyada (Interviews): March – April.
- Natiijada Final-ka: July.
Shuruudaha Guud:
- Waa inaad haysataa shahaadada Bachelor (haddii aad Master rabto) ama Master (haddii aad PhD rabto).
- Luqadda: Waa inaad haysataa shahaadada IELTS/TOEFL ama warqad caddeynaysa inaad Ingiriis ku soo baratay (English Proficiency).